Directamente vinculado á historia musical de Galicia de finais do derradeiro século, XISTRA DE CORUXO aparece no panorama artístico en 1988 coma unha agrupación que pretende estudiar, divulgar e actualizar as melodías que noutrora formaron parte dos divertimentos e sentimentos das xentes do Sur galego.
XISTRA DE CORUXO foi catalogado como o grupo que
mellor trata a evolución musical dentro dos parámetros marcados no eido da
tradición galega e o que aporta máis novidades de repertorio, debido fundamentalmente
ao seu abondoso arquivo de gravacións de campo realizadas nos derradeiros trinta
anos por Xerardo F. Santomé. O
"produto-xistra" é de marcado matiz
bailable e participativo; o que fai dos seus directos unha verdadeira incitación á troula
e ao disfrute nunha cerimonia musical alegremente amenizada por un
son característico magníficamente executado polos seus seis
compoñentes.
Ao longo da súa
vida artística,
XISTRA DE CORUXO ten actuado por toda a xeografía
galega, o Norte de Portugal e pola práctica totalidade das comunidades que forman
o estado español. Desde 1995 realiza anualmente unha ou dúas xeiras por Europa:
Francia, Alemania, Croacia, Chequia,... e deixado pegada nun total de 15
edicións discográficas; das que 5 son en solitario en selos de recoñecido prestixio como Edicións do Cumio, Boa Music ou Zouma Records.
