***************

O obxectivo primordial deste novo concerto titulado "AS FORMACIÓNS INSTRUMENTAIS" é o de posibilitar ao alumnado que, no transcurso duns 50 minutos, aproximadamente, poida emprender un camiño con evidente carácter didáctico, que o leve ao coñecemento da música dos "copleiros" (violín, zanfona, ...), das "cantadeiras" (pandeiretas, pandeiras, adufes, latas, ...), dos "cuartetos" (gaita, bombo e tamboril con requinta ou frautín, con clarinete ou cunha segunda gaita) e das "murgas" (engadindo saxofón, acordeón, bombo con platillos, caixa, ...).

O concerto é conducido polos mesmos persoaxes que agora participan dunha romería galega de principios do século XX

***************

Alumnos e alumnas de Ensino Secundario ( 2º, 3º e 4º da E.S.O. )

En Auditorio ou no Centro Escolar. Durante 50 minutos, aprox.

Semanas antes entrégase carpeta didáctica do concerto adaptada aos obxectivos marcados pola Consellería de Ensino da Xunta de Galicia. Nesta carpeta preséntase os os instrumentos, as formacións tradicionais, os ciclos do ano, as danzas, as melodías e os cantos que días máis tarde serán interpretados no concerto. Asemade, aportánse propostas de actividades didácticas e arranxos musicais adaptados aos instrumentos máis habituais nas aulas de música dos centros de ensino ( xilófonos, pandeiretas, claves, cunchas, ...).

Apoiándose en proxeccións fotográficas e comentarios, os intérpretes conducen o concerto baseado nos repertorios aprendidos en traballos de campo realizados por XISTRA no Sur galego. O fío conductor será a cronoloxía na aparición e emprego de instrumentos populares e as formacións musicais galegas derivadas das súas combiancións: a voz, as percusións, cuartetos, murgas, ...